Светла Сабота во женскиот манастир Св. Спиридон, метох на Лесново

На 10. 04. 2010 година, Светла Сабота, во женскиот манастир Свети Спиридон Чудотворец, метох на Лесновската Обител, Неговото Високопреосвештенство Митрополитот Брегалнички г. Иларион, во сослужение на Игуменот на Лесновскиот манастир отец Дамаскин со братството, отслужи света воскресенска архиерејска литургија.

Повеќе: Светла Сабота во женскиот манастир Св. Спиридон, метох на Лесново

Источен Петок – Балаклија во Марена, метох на Лесновскиот манастир

На 09. 04. 2010 година во манастирот, кој во текот на овој месец треба да се освети, посветен на Животворниот Извор на Пресвета Богородица - Источен Петок – Балаклија, во месноста Марена – Злетово, метох на Лесновскиот манастир, чиј што ктитор е г. Чедо Петров со неговото семејство, Неговото Високопреосвештенство Митрополитот Брегалнички г. Иларион, во сослужение на Игуменот на Лесновскиот манастир отец Дамаскин со братството, отсужи света воскресенска архиерејска литургија. На крајот од светата литургија Митрополитот г. Иларион одржа пригодна беседа и го благослови и пресече празничниот леб.

Повеќе: Источен Петок – Балаклија во Марена, метох на Лесновскиот манастир

Благoвештение и Благодатен оган во Ново Село - Штип

На 07. 04. 2010 година - Благовештение (Светла Среда) Неговото Високпреосвештенство Митрополитот Брегалнички г. Иларион, во црквата Успение на Пресвета Богодица во Штипско Ново Село, пристигна за да отслужи света архиерејска литургија и на големо изненадување и радост за сите верници, за прв пат во Штип, Го донесе Благодатниот оган кој го симболизира излегувањето од гробот на Вистинската Светлина, т.е. Воскресението Христово. Го пречека свештениците од штипското архиерејско намесништво и верниците и Митрополитот г. Иларион отслужи света архиерејска литургија, а на крајот од литургијата одржа пригодна беседа.

Повеќе: Благoвештение и Благодатен оган во Ново Село - Штип

Воскресение – Трет ден и Духовна Академија во Радовиш

Неговото Високопреосвештенство Митрополитот Брегалнички г. Иларион на Воскресението Христово – Трет ден (06. 04. 2010 година) отслужи света воскресенска архиерејска литургија во храмот Св. Троица во Радовиш. На светата литургија Митрополитот г. Иларион го произведе во пророерејски чин свештеникот Стојан Јановски, старешина на храмот Св. Троица во Радовиш. На крајот од светата литургија Митрополитот г. Иларион произнесе пригодна беседа и се отпочна со Велигденската Духовна Академија, по повод 10 - ет годишниот Јубилеј од формирањето на хорот Свети Спасо Радовишки од Радовиш, при што, Митрополитот г. Иларион и додели благодарници на Диригентите на хорот г – ѓа Рушка Ефтимова(поранешен диригент) и г. Петар Јованов од Радовиш. На светата литургија, покрај многубројниот православен народ, присуствуваше и Градоначалникот на Општина Радовиш г. Роберт Велков, Преседателот на Советот на Општина Радовиш г – ѓа Даниела Лазрова - Спасова и Членови на Советот на Општина Радовиш.

Повеќе: Воскресение – Трет ден и Духовна Академија во Радовиш

Велигден во Лесновски манастир

Фотографски материјал

Воскресение – Втор ден во Кочани

Митрополитот Брегалнички г. Иларион на Воскресението Христово – Втор ден (05. 04. 2010 година), отслужи света воскресенска литургија во храмот посветен на Св. Вмч. Ѓорѓи во Кочани. На крајот од светата литургија Митрополитот г. Иларион произнесе пригодно слово и на Своите верни чеда им го честита Празникот над Празниците – Воскресението Христово. На крајот од светата литургија Митрополитот г. Иларион им додели Благодарници на Црковното настојателство и вработените при храмот Св. Вмч. Ѓорѓи во Кочани за грижата на чистотата и уредноста на овој свет храм кој сужи за пример во епархијата. На светата воскресенска литургија покрај многубројниот православен народ присуствуваше и Градоначалникот на Општина Кочани г. Ратко Димитров со неговото семејство.

Повеќе: Воскресение – Втор ден во Кочани